影片
更多
2013-05-27
320 瀏覽
在網上看到新開的上海餐廳,覺得個名幾得意,食評又唔差,諗住試吓啦,我與朋友共4人,星期日下午3時左右,人不多,所以不用等位.新開鋪環境ok啦.睇個餐牌,啲價錢唔貴,諗住無介紹錯,誰知一場歡喜一場空.我哋竟然要叫11個菜都未飽,埋單$922.1.燈影牛肉:脆脆哋,似牛肉干薄片,但算最好一個.2.砂鍋獅子頭:細少得分4份,每人得一口,肉散的,而且好鞋.我在北京同上海都食過新鮮豬肉做的,但口感差十萬八千里!3.黃魚湯麵:冰鮮黃魚煮熟,加魚湯放麵,無味,好似忘記落鹽咁,而且好星,冰鮮魚都唔處理星味,就咁俾人食.4.生煎包:最失望,外形差都算,裡面啲肉好鞋,而且竟然一滴汁都無,侍應話係咁嘅:無汁!5.蒜泥白肉:等咗最少25分鐘,追咗兩次至出,白肉非常薄,似半透明,只有6片,底是粉皮,少得最誇張的一個菜,我朋友口大,一夾無咗1/3,被我罵得要死!6.韭黃筍絲炒鱔糊:一般般,鱔是用香港貨,所以無鱔味,而且炒耐咗,有啲鞋.7.清蒸鰣魚:最經典的一個,開始到店時,我問部長有乜好介紹,個部長第一時間話鰣魚,例牌$368,半條$1088,然後我話好呀,等等先,我不大想叫,雖然知甜,但多骨,而且朋友都無反應,
1.燈影牛肉:脆脆哋,似牛肉干薄片,但算最好一個.
2.砂鍋獅子頭:細少得分4份,每人得一口,肉散的,而且好鞋.我在北京同上海都食過新鮮豬肉做的,但口感差十萬八千里!
3.黃魚湯麵:冰鮮黃魚煮熟,加魚湯放麵,無味,好似忘記落鹽咁,而且好星,冰鮮魚都唔處理星味,就咁俾人食.
4.生煎包:最失望,外形差都算,裡面啲肉好鞋,而且竟然一滴汁都無,侍應話係咁嘅:無汁!
5.蒜泥白肉:等咗最少25分鐘,追咗兩次至出,白肉非常薄,似半透明,只有6片,底是粉皮,少得最誇張的一個菜,我朋友口大,一夾無咗1/3,被我罵得要死!
6.韭黃筍絲炒鱔糊:一般般,鱔是用香港貨,所以無鱔味,而且炒耐咗,有啲鞋.
7.清蒸鰣魚:最經典的一個,開始到店時,我問部長有乜好介紹,個部長第一時間話鰣魚,例牌$368,半條$1088,然後我話好呀,等等先,我不大想叫,雖然知甜,但多骨,而且朋友都無反應,但食完前面個啲,一啲都唔飽,所以我再問第二個部長,又係第一時間話鰣魚,還多了幾個侍應話好食,我朋友就話叫份例牌試吓啦,結果叫了個例牌.出魚時,個部長好專業咁介紹鰣魚啲鱗,起咗鱗就話可以咬咬,唔好吞,我多口問是哪裡來的,佢好坦白咁講,係泰國來啲,當時個心沉咗一半,泰國鰣魚肉鞋,無鮮味,好似霉霉哋,果然一樣,難食.例牌都係每人食咗兩啖,所以仲有剩!
8.南京鹽水鴨:超咸!就算係鹽水鴨,都唔使咁咸呀!送飯食都嫌咸.
9.鮮肉小籠包:$8/籠,超值,就算穿咗皮,都係超值.見到好多汁流咗出囄.
10.水中花:網友話好,當然要叫,薑茶底,刀功一般,豆腐未全散,豆腐花唔滑.我在上海有間有名氣的食過,人哋啲刀功一流,朵花開得非常美,而且豆腐花很滑.
11.豆沙鍋餅:比起水中花更勝一籌,在上海餐廳食甜品的質素都算有保證.
題外話/補充資料：
南京烤鴨是上海菜嗎?不是北京菜?粵菜酒家都好似好多.
講真,都唔會再去,好似做遊客生意多過做香港人生意,一次無回頭.
我拍的照片太難看,不便公開.非常抱歉囉!
(以上食評乃用戶個人意見 , 並不代表OpenRice之觀點。)
張貼