一鳴拉麵

營業中

休息中

聽朋友講大埔墟有一間幾特式嘅日本餐廳小店，今日放工之後，見有時間，專登過嚟試吓。店舖嘅位置係一條小巷裏面，雖然比較隱蔽，但係配合埋門面及餐廳內嘅裝潢，令人覺得更有日本居酒屋特式。餐廳牆壁貼滿日本風海報，室內播放著日本動漫歌曲🎶，令人感覺非常輕鬆。☺️餐紙上嘅選擇非常多，很多款式都很吸引，有串燒、拉麵、玉子燒、炸物、沙律🥗等。今次我就點左 「黑蒜。鳴」、墨魚咀串燒及冬菇串燒。黑蒜。鳴豬骨濃湯黑蒜油拉麵🍜麵條：直麵麵質：普通細蔥：多配料：叉燒唐辛醬：🌶拉麵一上枱，就聞到黑蒜油及細蔥嘅香味，賣相及顏色非常吸引，呷一口湯，感覺到豬骨嘅濃香，麵條爽口彈牙、滑捋捋，叉燒厚薄適中、份量剛好，配料仲有流心蛋🥚、黑木耳及紫菜，流心蛋嘅熟度剛剛好，蛋白彈牙、蛋黃於口腔內慢慢溶化，非常滋味，黑木耳爽口，紫菜香脆，食完好滿足！墨魚咀串燒及冬菇串燒🍢墨魚咀用左醬油同味粉調味，食落口感爽脆，甜甜鹹鹹的，非常惹味。冬菇滿佈牛油香味，食落唔會好乾，味道香濃。整體而言，食物味道唔錯，餐廳裝潢有特式，平日晚飯時段，愈夜愈多人幫襯，很受歡迎。決定下次約多幾個朋友放工嚟呢到體驗下，一邊飲酒🍻、一邊食串燒🍢、一邊傾下計🗣，回憶下