Hashtag B

營業中

休息中

上次朋友提到呢間麵包蛋撻專門店，亦都有時路經見到不少人排隊光顧打卡拍照。今晚剛好經過，一於嚐試店內的拿破崙焦糖千層撻，蛋撻果然好好味，外層脆皮仍然鬆脆，而焦糖蛋漿內餡香濃不膩，值得一試! 麵包店內氣氛輕鬆舒適，燈光柔和，店鋪寬敞。可以駐足耐少少睇下各款新鮮出爐的麵包，麵包款式真係非常豐富，例如好似腸仔包就同出邊一般麵包店有點不一樣，顏色雖然黑黑地，但味道真的不錯，吃到有少少芝士味道的點綴，相信是麵包愛好者、甜點小吃發燒友會有驚喜。