Chotto Maki (廈門街) (已結業)

今日午餐食咩好呢，大家又唔想食咁飽，諗起行經過幾次呢間日式卷物壽司，除咗堂食，都可以外賣，就買外賣番去食啦。好，睇下有咩好食先。C-Dragon，係鰻魚加Tempura嘅卷物，配上鰻魚汁、沙律醬、蟹子，食落有多個層次，唔會係呆板嘅卷物。帆立貝、油甘魚壽司，色澤光鮮，望落好油潤，帆立貝食落口感爽口清甜，油甘魚就脂肪含量豐富，好柔軟滑口。加錢可以跟烏冬、沙律。烏冬滑嘟嘟，配菜有紫菜、腐角。沙律菜都好新鮮。