篤篤車 (已結業)

車仔麵平時食得多，但係冬蔭功湯同咖哩湯既車仔麵都係第一次食，另外仲有鱷魚湯，感覺幾特別。食物款式都幾多，除咗有車仔麵之外，仲有飯，多款小食同埋飲品等等，而且價錢親民。冬陰功湯三餸麵蘿蔔清甜冇渣，炆得夠透，豆卜豆味香，索哂湯汁精華，牛筋炆得夠腍，不失彈性，而且都入味。油麵順滑，食落唔會油膩，口感煙韌。咖喱湯兩餸麵咖喱湯底有大中小辣，我哋揀咗小辣，味道濃郁，而且辣得惹味，飲落順喉。紅腸厚薄適中，有咬口，味道鹹香。貢丸口感爽彈，食到香菇粒同菇既香味。麵就揀咗米線，米線煮得啱啱好，軟硬適中，索埋咖喱湯底，夠晒入味。泰式炸雞翼雞翼一共有四隻，每隻都大大隻，外皮炸得夠脆，雞肉都幾滑，而且有肉汁。點埋泰式辣醬，酸甜解膩。腐乳炒唐生菜都有鑊氣，鹹度適中網紋春卷春卷皮口感酥脆，食落好香口，餡料豐富飽滿，唔錯。吉列炸蝦餅蝦餅炸到金黃色，非常吸引，蝦餅爽口彈牙，而且幾鮮味。香甜蔗蝦蔗蝦蝦肉爽彈，幾香口。薄荷青檸梳打薄荷同青檸互相融合，酸酸甜甜，口感較為清涼，幾解渴。紅茶花伝檸檬茶檸檬茶酸甜開胃，甜度適中，而且有茶香。