影片
更多
2020-08-28
105 瀏覽
星期五諗住食返餐好，唔熟奧運d餐廳, OpenRice 見到呢間餐廳有600幾個好評, 就去試吓啦, 叫咗個西班牙炒飯, 招牌乳豬仔同埋炭燒澳洲肉眼扒。第一碟上菜嘅西班牙炒飯，好大碟，以為幾好食，但係食落口我從未食過咁難食的西班牙炒飯，完全冇味海鮮亦係雪藏野，大蝦仲要係梅嘅，青口仲要臭嘅。第二碟上枱係個招牌乳豬仔，原來係四件普通嘅燒豬肉麵包。係屋企買舊豬展夾麵包食仲好食第三碟最精彩就係嗰塊肉眼扒，我以為自己去咗花X餐廳食，成塊扒用梳打粉𢲡到啲肉完全冇口感，冇肉味，塊扒本身已經唔新鮮，再加埋佢用梳打粉，真係完全唔知點去形容呢舊嘢。埋單近成千蚊，食埋呢啲劣食，唔係錢嘅問題，係食完一肚氣。跟住上返OpenRice認真睇食評，全部食評都係一樣，每一個食評都都影門口招牌，個個都影環境，個個都影餐牌，全部點嘅菜都大同小異，請人食免費餐寫線稿都唔好咁過分。我只怪自己白癡，冇睇清楚食評，就盲舂舂走入去食，衰啲講句麥當勞都食得開心過佢
第一碟上菜嘅西班牙炒飯，好大碟，以為幾好食，但係食落口我從未食過咁難食的西班牙炒飯，完全冇味海鮮亦係雪藏野，大蝦仲要係梅嘅，青口仲要臭嘅。
第二碟上枱係個招牌乳豬仔，原來係四件普通嘅燒豬肉麵包。係屋企買舊豬展夾麵包食仲好食
第三碟最精彩就係嗰塊肉眼扒，我以為自己去咗花X餐廳食，成塊扒用梳打粉𢲡到啲肉完全冇口感，冇肉味，塊扒本身已經唔新鮮，再加埋佢用梳打粉，真係完全唔知點去形容呢舊嘢。
埋單近成千蚊，食埋呢啲劣食，唔係錢嘅問題，係食完一肚氣。
跟住上返OpenRice認真睇食評，全部食評都係一樣，每一個食評都都影門口招牌，個個都影環境，個個都影餐牌，全部點嘅菜都大同小異，請人食免費餐寫線稿都唔好咁過分。我只怪自己白癡，冇睇清楚食評，就盲舂舂走入去食，衰啲講句麥當勞都食得開心過佢
張貼