火土燒肉

💭無意中發現尖沙咀k11有一間以露營為主題嘅燒肉店，除咗地方超寬敞外，全部嘅擺設包括枱櫈、餐具同碗碟都係用露營用嘅物品，甚至員工嘅服裝都係配合個主題，感覺上好似身處係露營一樣咁享受同放鬆😆店員服務又好好，超正！🔸全牛特選拼盤 $478（🐮雪花牛小排、香蔥蒜末牛舌、牛胸腹、牛肋肉、牛里脊）推薦👍🏻有五款牛肉，可以試到唔同部位，口感都係唔一樣，除咗牛舌外，每一塊肉都係厚切最鐘意食牛胸腹😍燒完好冧好多肉汁，牛舌好薄切，加蒜蓉係上面燒，雖然要燒得比較小心，但食落好爽口，味道香濃！其他肉油脂分布都好平均，肉質嫩口同牛肉味濃👍🏻好好味🔸豚五花（鹽味）$118豚五花肥瘦相間，燒到邊位有小小脆，油脂香味勁豐富，好juicy😙🔸燒雞皮餃子卷 $48雞皮包住肉餡，雞皮燒到香脆，餡料亦都好飽滿，一咬落去肉餡爆多汁流出黎，有驚喜！🔸王子海苔飯 $28食好味嘅燒肉必叫飯，白飯撈蛋汁加紫菜實在太好味！🔸開心果雪山冰 88份量大，二人食啱啱好！雪山上面有啲開心果碎，類似台灣雪花冰咁，奶味較重，又會帶出開心果嘅味道，好冰涼，好適合做飯後甜品😚🔸可樂 $18