Bingo & Cook (京都廣場)

營業中

休息中

好有街邊小舖特色嘅韓國料理餐廳，價錢相對嚟講唔算平。但如果食lunch set嘅話就性價比真係好高。同朋友一齊食一個炸醬麵同埋一個芝士牛肉紫菜卷。之前一直以為紫菜卷係一半芝士一半牛肉，冇諗到係一個飯卷裏面有埋芝士同牛肉。牛肉嘅量都可以，食落味道還算OK，不過之後唔會再點，無功無過。比較鍾意嘅係炸醬麵餐，有好多配菜。炸醬麵本身嘅味道亦都好OK，唔會過鹹或者過甜，食落好滿足，特別適合喺天凍嘅時候嚟返一碗咁樣熱辣辣嘅面。全程都係喺網度點餐，亦都可以網上支付，整體來講用餐比較方便。位置唔算多，當時去得早同埋有book位所以就OK，但後邊越嚟越多人，如果想嚟食嘅話建議都係提前book返位。