Tram View Cafe

營業中

休息中

果日涼涼地，同老公坐室外。纜車大概每10至15分鐘一班，坐室外與纜車更親近，更貼近去呢間餐廳嘅目的。 卡邦尼煙肉燴意粉配炸蝦（＄74）足料大大碟，咸度適中，炸蝦係平價雪藏貨色。芝士牛肉漢堡包配薯條（＄70）漢堡唔算太乾，加埋醬汁好味好多。薯條都係平價雪藏貨色。 另外叫咗兩杯飲品。熱抹茶牛奶（＄40）奶香咖啡（＄38）。雖然用紙杯裝，但都有拉花，可見心思。味道中規中矩。 總結係，對食物就唔駛太大期望，但呢個體驗全香港，甚至全世界係得呢到感受到。日落後招牌著燈更迷人。