Lockeroom Dining (朗晴坊) (已結業)

Lockeroom 係一間阿仙奴既主題餐廳，內裏仲擺放左阿仙奴既野，仲有勁多閃卡添。蟹肉芒果木瓜牛油果沙律有驚喜，成柸都份量十足，蟹肉、芒果、牛油果估唔到都幾夾，仲有大粒粒爆珠好有口感。法國鵝肝香蒜麵包鵝肝煎得外脆食嫩，入口即溶，蒜蓉包烘得香脆而且大件，蒜香味濃同微微甜。炭燒澳洲草飼牛西冷扒紅酒汁配薯菜包沙律菜、餐湯、餐包沙律菜係用玻璃瓶裝著，密封感覺衞生，沙律新鮮仲會配埋黑醋。餐湯係羅宋湯，同香蒜麵包。西冷扒肉味香濃多汁，配菜係煮過既羽衣甘藍，處理得好好，完全冇苦澀味。澳洲草飼牛柳蒜香意大利扁麵上碟時廚師已將牛柳切片，牛柳肉質嫩滑又香濃，扁麵煮得適中而且帶有香蒜味道。