滿小館

營業中

休息中

尖沙咀中西美食薈萃, 這間位於好時中心嘅中菜館, 裝修典雅富有中國傳統色彩, 由於鄰近尖東站, 交通相當方便, 菜式多元化, 點心, 燒味和海鮮都很出色。油浸海花班脆粉魚皮炸得好香脆, 魚肉非常甜滑鮮味, 份量十足, 點埋油浸醬汁, 魚嘅鮮味就更加突出。六錦炒帶子蝦球 蝦球相當爽脆, 帶子鮮甜, 配菜嘅菜蔬有蘆筍, 黃椒, 百合等, 新鮮爽脆。小館鴛鴦叉燒王叉燒大件肉厚, 肉質軟滑, 有蜜糖和柚子兩種口味, 不肥不膩砂鍋豉油雞半隻熱辣辣砂鍋原鍋上桌, 豉油雞好入味, 雞肉嫩滑, 好食到唔停得口。梅香馬友雞粒炒飯鑊氣十足, 飯粒炒得好乾身, 掛滿馬友鹹香, 雞粒焦香唔會鞋。椰汁紅豆糕這道甜品好啱食, 冰涼滑溜, 糕點充滿椰汁香味。