温野菜

營業中

休息中

早前登陸香江的溫野菜口碑不錯，已將她放在寵幸之列，這晚終有機會與好友跟她會一會。雖然訂了檯，來到仍要在門外再坐一會，可見頗受大眾歡迎。四人的座位私隱度頗高，也可將屏障拿開與鄰檯併成八人檯，設計有心思，而每個座位前也有電磁爐，自調火力，既配合一人一爐的獨立自主的理念，也不失與好友邊吃邊談的樂趣，事實上，頗多喜歡吃火鍋，但又怕其他人突然錯手洗筷子的舉動，一人一爐確是衛生得多，也可自選自的湯底。約有九款的湯底，我選了北海道昆布湯，然後可以選套餐或是單點，結果選了C 餐，有來自三個國家的牛肉及一款腩肉，相當豐富。套餐還包括有些前菜，蔬菜及品鍋肴。味付鵪鶉蛋醃得好味，雖然知道膽固醇甚高，但(饞嘴)味蕾戰勝理智，「又唔係成日食！」，食下一粒食下一粒，結果食晒！生菜沙律，放了些即食紫菜，新鮮爽脆，開胃。辣醬芝士，味道似腐乳，與榴槤一樣，無灰色地帶，鍾意就鍾意，唔鍾意就唔鍾意。湯底來了，鐵鍋套在別緻木座上，既穩定又不怕熨手，放在電磁爐上，自調火力，控制晚餐步速，快慢由人，確是十分週到。昆布湯，清澈見底，有些切幼的昆布，夠健康！吃東西與品酒原理一樣，最好的會放在最後，先放熊本豚腩肉，薄片灼一灼，很快熟，