相馬日式火鍋 (已結業)

嗰日喺大學考完試～～就決定去打個邊爐慶祝下😌😌😌呢間火炭火鍋放題店好新淨 環境衛生又乾淨 自己一個人食都唔尷尬😌揀左美國特選牛肩胛套餐❣️❣️呢款牛肉片 真係超正～牛味好濃香 又夠滑 同肥牛真係完全冇得比😈但價錢一啲都唔貴 唔洗三百蚊就可以任食🤑🤑除左食牛肉 雞腿肉都唔錯架 雞髀位好滑呀 大大舊啖啖肉❤️佢嘅火鍋配料吧都係超級豐富！！最鍾意就係雜菇 金菇、冬菇、雞髀菇、秀珍菇🤩仲有好多雜菜 清清腸胃😌丸類嘅選擇都好多 每款攞一粒都裝滿晒成個兜🤣整體嚟講 呢到嘅食物質素真係好高 選擇又夠多 食完真係大滿足 第二朝都仲飽緊😆😆