澳門咖喱王清湯腩

營業中

休息中

去澳門咖哩王清湯腩叫外賣，仲以為大多數人都會叫咖哩或者牛腩，點知估錯咗，等食物期間，我見最多人叫嘅居然係口水雞飯😮，真係估佢唔到。我呢，身為牛控，見到 menu 寫嘅 “必食獲獎川醬乾炒牛河” 好似好吸引，於是就決定食呢個。咁好唔好食呢？我會話係幾好食嘅：牛河炒得幾夠鑊氣，牛肉唔覺太多鬆肉粉味，河粉條條沾滿醬油，味道偏濃，但唔會死鹹，亦唔算太油膩，加上少少麻辣味，唔錯。配料方面，有芽菜，韭黃，韭菜，洋蔥，椰菜絲等，加埋一齊，令到成個牛河味道更豐富。