火山石石鍋手打烏冬專門店 (已結業)

約左老公黎食烏冬; 18:4x到步; 老公之前打左電話比我話已行緊過黎好快到; 於是我先入座.心想: 出面落緊雨, 我又係一個7,8個月既大肚婆, 早3,5分鐘入座不為過吧...又有超過一半吉位...門外的女人問(侍A): 幾多位?我: 2位侍A: 你而家入, 一個鐘要還枱(有D黑面feel)我: OK, 佢已經行緊黎好快到(我真係OK, 因為我地只係e肚食完就會走)坐低我就先order左 吉朱烏冬+凍青檸柚子蜜+日式炸豆付幾分鐘後, 老公到埋, 佢order左朱手烏冬+凍青檸柚子蜜上菜不快但不算太耐. 食下食下, 開始多客, 有1-2pair人在門外等位...我發現侍A不時啤恆我地呢邊; 又成日入黎裝裝下咁...之後侍A同侍B侍C細細聲講: 話我地好耐之類...侍B侍C說:唔係喎, 7B唔係好耐之嘛...我地食完埋單$194, 我地枱號係7B, 時間係19:3x...比喊面主因係門外個侍應, 我唔知點解佢要比咁多面色說話我地...我地已經一個鐘內埋單走人, 可能佢一早已唔妥我未齊人入座...講返食物: 石燒烏冬: 湯底清清地冇味精; 烏冬煙韌口感佳. 不過真係好熱想食快D有難度.