Ladurée (已結業)

最近中意食左以前唔中意食既macaron，路過銅鑼灣無意撞到laduree難得唔似Pierre一買要買成盒咁令人卻步，於是買左兩個試下。一個系經典玫瑰花味，另一個系季節限定既青檸味。兩個系網上面都有人推薦過，首先玫瑰花味系當之無愧既王牌推薦，淡淡既花香味，本來成日覺得用花做食材會有種食香水既錯覺，但laduree啲macaron成功克服左我呢個恐懼，不過可能對於一d唔食得甜既朋友依然會覺得有啲太甜，我個人接受到。另外，季節限定我個人就麻麻，雖然我自己都中意青檸，至於macaron就不過不失啦，個人覺得￥25食一粒不過不失既青檸味macaron，淺嚐即止就好。但玫瑰花味下次絕對會再食。