嵐石 - 海鮮&牛扒餐廳 (已結業)

朋友忽然提議入赤柱一遊，而又想坐得舒服啲 (本身想坐 outdoor) 就選擇左o係美利樓食。當日受到上天眷顧，成個赤柱都唔多人，而天氣又十分好。不過中午的確係好熱吓... 結果都係揀左有冷氣嘅位坐。餐廳內部好靚，啲位又闊，枱與枱之間唔近，好舒適。四個人頭盤分別揀左沙律、龍蝦尾同生蠔。食沙律的朋友無乜特別 comment, 我估係 ok; 食生蠔o個位話好食; 我有個朋友話龍蝦尾有 D 腥，但我自己又唔覺，還好的。是日餐湯係南瓜湯 (但唔記得影相)，朋友話好飲; 我就飲西班牙番茄凍湯，好飲~ 主菜就揀左肉眼扒同西班牙黑毛豬+血腸。三個朋友都叫七成熟肉眼扒，但結果三碟黎到都係不同生熟程度的... 呢個位有 D 扣分... 一份七成、一份九成、一份三成... 不過味度係好食嘅 (我試左七成o個碟些少)，伴碟薯仔都好食。我就食黑毛豬o個碟，豬味係濃郁嘅，不過我略嫌有少少過熟，即係有咬口，咁就睇個人喜好鐘意咬口多 D 定嫩滑多。塊西班牙血腸第一次食，幾得意嘅，咸咸地無乜奇怪味度的東西，薯蓉正常。最尾餐飲都係叫熱咖啡，我覺得唔錯喎，係 nutty 的。