膠得喜 (已結業)

2-3年前喺筲箕灣食過類似嘅，呢間係唔係原創就有保留喇。門面同menu幾吸引，嗌咗個lunch set嘅秘製花膠肉燥溏心蛋飯，跟花膠湯（$60）。味道不過不失，可能因為花膠魚肚都係d無味嘅嘢，靠嘅係肉燥味，pat肉燥咩味d花膠就咩味。肉燥同芡汁比例多d，間唔中食到一些花膠粒，整體無咩粘嘴嘅感覺。湯都係唔粘嘴，似有少少海味的雞湯，都好味。食得花膠都係想補下d骨膠原，所以我個人係期望多點花膠，再黏嘴少少。不過，呢個親民價位加環境，其實已經好好，當淨係食肉燥飯加老火湯都抵返。