大浪灣茶座 (已結業)

有d野真係唔適合年紀大才學玩，如衝浪。重陽之日，石澳友人就大浪灣浪非常靚，就柴娃娃同佢地玩左一個下晝，上水果陣，成個人散晒。要快手搵度地方吃點東西，至緊要仲係，啤佢一啤，就跟左大伙兒在這裡坐低。以為呢度好似石澳無休館一般是間港式茶座，原來這裡除了即食麵，也有意粉、鬆餅、pancake、沙律等等西式食品，不過美中不足，是沒有生啤，只有支裝啤或罐裝啤。支裝都有幾多選擇，有得揀，當然要飲健力士，加份香蕉pancake。一干人霸左兩張最出的四人位，拿著啤酒，海風清涼，環境比石澳那邊更好，比貴幾倍的石澳黑羊，好上千倍！因為人多，都要等左一陣至有得食。估不到在這等沙灘茶座，份pancake賣相不俗，煎得靚仔，四周灑上糖霜，是意料之外的認真。Pancake厚厚的，底面都煎得微脆，除了面頭的切片香蕉，中間也夾了香蕉餡，配上蜜糖，味道也真不錯。邊渴黑啤邊吃這個pancake，也很寫意及滿足。朋友的食物都不差，沙律是用料足又擺得精美，漢堡包及三文治同樣賣相講究。難怪這裡比埋邊的士多貴，他們都要來這裡，單是超級無敵大海景及不錯的食物，已值回票值。客人多，店員只得一個後生仔，服務不會好得去邊，不如就自己郁手好