影片
更多
2019-02-18
424 瀏覽
@missmarble.hk ————————————————————————可能適合對象：#珍珠奶茶流心蛋糕甜度（5星最甜）：⭐️濃度（5星最濃）：⭐️🍴：餐具 ✖️ （+12）/ 蠟燭 ✖️（+$5） / 冰袋 ✖️/ 紙盒✔️🏷：✔️（免費）💬：IG DM反應幾快喎，據說有家姐之外，仲有小鮮肉細佬幫手覆Message。而個日去餅店攞蛋糕，店員都友善，提下你要小心攞蛋糕。所以話只要做Standard多少少，就會令人有好印象，就係咁解。🛒：佐敦山林道 #cakeup_佐敦站🔘：個裝 4”，6”同 8”💰：$380，$520，$678————————————————————————性價比：中下𠵱間餅店，其實我哋當佢仲係葵芳時，已經幫襯過兩次。其實見到佢哋越做越大（由葵芳做到去山林道地舖），連 @real_ting ， @laurinda_ho ， @janice_man 都食佢哋嘅蛋糕慶祝生日，可想而知，知名度都叫有增無減。𠵱種成功例子，係幾值得開心。今次Caketionary亦有幸可以再試佢哋嘅作品（多謝），真係食到一個完整嘅蛋糕，結論如何呢？先講Gimmick，佢集結咗好多近日好興嘅元素，包括黑
可能適合對象：#珍珠奶茶流心蛋糕
甜度（5星最甜）：⭐️
濃度（5星最濃）：⭐️
🍴：餐具 ✖️ （+12）/ 蠟燭 ✖️（+$5） / 冰袋 ✖️/ 紙盒✔️
🏷：✔️（免費）
💬：IG DM反應幾快喎，據說有家姐之外，仲有小鮮肉細佬幫手覆Message。而個日去餅店攞蛋糕，店員都友善，提下你要小心攞蛋糕。所以話只要做Standard多少少，就會令人有好印象，就係咁解。
🛒：佐敦山林道 #cakeup_佐敦站
🔘：個裝 4”，6”同 8”
💰：$380，$520，$678
————————————————————————
性價比：中下
𠵱間餅店，其實我哋當佢仲係葵芳時，已經幫襯過兩次。其實見到佢哋越做越大（由葵芳做到去山林道地舖），連 @real_ting ， @laurinda_ho ， @janice_man 都食佢哋嘅蛋糕慶祝生日，可想而知，知名度都叫有增無減。𠵱種成功例子，係幾值得開心。
今次Caketionary亦有幸可以再試佢哋嘅作品（多謝），真係食到一個完整嘅蛋糕，結論如何呢？
先講Gimmick，佢集結咗好多近日好興嘅元素，包括黑糖珍珠，伯爵奶茶，雪崩流心去做成一個蛋糕，未食，齋聽到都會有想試嘅衝動。而配合埋個賣相，雖則唔講得好矜貴，但係都叫食到潮流味。
味道，我哋可以話個流心醬好味，杰身度掌握得唔錯，唔會太杰，亦冇水滴滴，質地啱啱好可以掛住個蛋糕，令到佢有融落蛋糕邊邊個種美感。
而其實佢個蛋糕構造係用一個圓形海棉空心蛋糕，中間以伯爵茶流心醬填滿佢，上面再以膠圈圍住。當食嘅時間，再後加黑糖珍珠上去，好使一拎起個膠圈，能做得出滿瀉嘅效果。流心醬唔甜，但濃郁，味道好夠而唔漏。加埋黑糖珍珠去食，增加咗口感，有Q口嘅感覺，唔會好似齋食濕水麵包咁。
不過𠵱個蛋糕有好多點注意事項：（其實餅店亦都知道，所以餅店都專登印咗小卡片，嚟提點各位食客）
1） 由於面嘅流心醬係液體，攞嘅時候要小心，否則會漏出嚟；
2）攞完蛋糕，要3個鐘內食，否則影響品質；
3）切蛋糕前，移個蛋糕上大碟度，否則流心醬會漏到周圍係；
4）切完蛋糕，盡快食，否則真係會好似食濕水麵包咁。
介紹完，就想講講意見。我哋覺得個蛋糕優勝之處，就係個流心醬。但個蛋糕質地略為減分，因為冇咩蛋味，唔夠Fluffy，搞到個感覺似係個流心醬配咩都得咁。如果可以令個蛋糕好味啲，會更完美啲。
最後就講個性價比，我哋覺得個價錢定位高咗啲啲，以$380蚊去買個4”蛋糕，for 5個人就差啲啲咁啦，所以我哋只能俾中下（唔代表唔好味，只係貴咗啲，同細咗啲啫）。不過我哋都有成員話，𠵱個價錢除咗買味道，買蛋糕，其實都係買埋玩嘅回憶嘅。
——————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #假日好去處 #潮流 #打卡
珍珠奶茶流心蛋糕
$380
115 瀏覽
0 讚好
0 留言
張貼
