Lockeroom Dining (朗晴坊) (已結業)

英國讀書多年，聽得最多既就係足球，雖然而家好少睇，但英超四大球會無理由唔識既！今次去左間餐廳主題係兵工廠阿仙奴，見到掛住啲相/旗幟/波衫咁，即刻讀書時期睇波的感覺返哂黎🤣🤣至於食物方面，我地點左兩個套餐：肉眼拼鵝肝同風乾火腿松露雜菌天使麵，個餐包左湯/沙律/正餐/飲品，都唔算貴！是日餐湯好特別係蘿蔔湯，第一次飲蘿蔔湯，都幾清甜👍🏻好大陣白蘿蔔味！配蒜蓉包好正，個蒜蓉牛油超濃🧄🧄啱哂重口味的我😍松露忌廉天使麵都超濃，一上枱勁香😌天使麵掛哂汁，啲汁勁濃😙😙肉眼牛扒都好食，除咗牛油香，仲有鵝肝的油香味，今餐fat fat la😛鵝肝係正常size，唔係特別肥大版，唔會好油膩，但夠哂香👏🏻甜品仲要叫埋心太軟，睇食評好多人話正😏幾飽都要試下，心太軟個面有塊朱古力，增加朱古力濃度😍外脆內軟的心太軟真無得輸😛叫餐仲可以6折加購😙😙點會唔食丫👍🏻