Glasshouse (國際金融中心) (已結業)

今晚去咗中環ifc嘅Glasshouse 食東南亞fusion菜, 環境真係一流, 好有情調嘅玻璃屋西餐廳格局, 全場落地玻璃, 窗外係維港景色, 每張枱上面都放有蠟燭, 情調滿分, 我哋一行四人order咗Caesar salad 水準不過不失, 照燒肉眼扒, 肉質鮮嫩, 咬落去非常juicy, 一隻燒春雞, 水準不錯, 再嗌咗三個甜品, 最特別係Banana creme brulee, 店員會即場在甜品上點火, 非常富娛樂性, 而且仲好好味, 外層脆脆嘅焦糖包裹著鋪滿香蕉嘅燉蛋, 燉蛋係入口即溶, 另外兩款分別係士多啤梨棉花糖多士同朱古力棉花糖多士, 呢兩款甜品有唔同嘅層次, 食落口非常滿足