影片
更多
2022-08-04
1489 瀏覽
今日好開心同一班同事去咗青衣城嘅一間酒樓，東海匯，呢一間中式酒樓環境好不錯，開一陣間等夠大，坐得好舒服，可以枱之間唔會迫埋一齊，侍應服務一流，會好細心咁問你食啲乜嘢，飲啲乜嘢，完全係主動熱情的服務，而且最緊要食物精緻，點心每件都大大件，仲有佢個腸粉，好有特色，裏面個炸蝦配埋腸粉，係一流，仲要最推介的是鬼馬咕嚕肉，佢呢個咕嚕肉係用咗炸兩整嘅，表皮好脆卜卜，然後不會有太多的肥豬肉，每舊都可以食晒，仲要用甜酸醬，感覺很開胃，可以送飯，佢嘅點心真係好有特色，仲有佢個炒芥蘭，都係非常之推介，上碟嘅時候已經香噴噴，同埋好有鑊氣，所以食菜推介芥蘭！所以依家一定要再嚟食，最後買單的時候都不是很貴，每人$100鬆啲，已經可以叫到十幾碟野，仲有個龍蝦伊麵都好好食，可以飽肚！10分推介
張貼
