影片
更多
2010-05-06
23 瀏覽
半年前有諗過上黎食飯的，但個次一黎..點知係無開，估唔到今晚有機會黎到依到食飯。上到黎，坐左係近window的一角，望到出面雲咸街，依到話細唔細，話大又唔大，但感覺幾寬敞，裝潢幾靚，唔似出面普通食客家菜的地方咁...可能因為始終都係中環，又近LKF同SOHO，依到比較有點外國feel的。不過上到去就有樣唔好..就係焗，一黎間鋪係雲咸街...行上黎都有點熱...上到去坐低食飯個陣..D飯餸又係咁出熱氣...愈食就愈熱了..係咁出汗 (我已經唔係好大汗的人啦) 可能唔算太多人...唔知佢係無開冷氣定係開得細，食左成個鐘頭飯...多人個陣...佢先開始開冷氣，先感覺到涼快...1. 叫左個是日老火湯，係黃豆煲鱆魚，唔錯! 朋友們叫了胡椒豬肚湯。2. 蒸蘿蔔丸子 - 以前睇過食評，見幾多人食，所以試下。賣相幾得意幾靚，配一個XO醬，食個陣唔好一口食曬成粒，因為食唔到個種蘿蔔絲的口感，應該點一點XO醬 (唔點會好淡味的)，咬一半，就會見到一條條的蘿蔔絲，但感覺好chewy，幾特別 3. 西施梅菜扣肉 - 聽聞過唔差，嗯..但比我相像中無咁好，佢的味係足夠的，但肉實左一點，同埋汁唔夠多，因為多數都
上到黎，坐左係近window的一角，望到出面雲咸街，依到話細唔細，話大又唔大，但感覺幾寬敞，裝潢幾靚，唔似出面普通食客家菜的地方咁...可能因為始終都係中環，又近LKF同SOHO，依到比較有點外國feel的。
不過上到去就有樣唔好..就係焗，一黎間鋪係雲咸街...行上黎都有點熱...上到去坐低食飯個陣..D飯餸又係咁出熱氣...愈食就愈熱了..係咁出汗 (我已經唔係好大汗的人啦) 可能唔算太多人...唔知佢係無開冷氣定係開得細，食左成個鐘頭飯...多人個陣...佢先開始開冷氣，先感覺到涼快...
1. 叫左個是日老火湯，係黃豆煲鱆魚，唔錯! 朋友們叫了胡椒豬肚湯。
2. 蒸蘿蔔丸子 - 以前睇過食評，見幾多人食，所以試下。賣相幾得意幾靚，配一個XO醬，食個陣唔好一口食曬成粒，因為食唔到個種蘿蔔絲的口感，應該點一點XO醬 (唔點會好淡味的)，咬一半，就會見到一條條的蘿蔔絲，但感覺好chewy，幾特別
3. 西施梅菜扣肉 - 聽聞過唔差，嗯..但比我相像中無咁好，佢的味係足夠的，但肉實左一點，同埋汁唔夠多，因為多數都會配飯一齊黎食，但還可以的!
4. 青瓜糟汁蝦 - 見到係menu上的推介，試下啦! 真係唔錯啊! 望落去好似唔算太吸引，但食落去真係另一樣野。蝦肉食落去幾有酸酸甜甜的味道，底下鋪左一條條青瓜條，面頭諗上橙色的糟汁....見到好多一粒粒ge野...開頭唔知係咩黎，問過waiter，原來係糯米渣，係浸糯米酒的渣，跟住再用依D渣拎去炒，整左個汁出黎，所以食落去有點兒清新得黎的糯米香!
5. 地道客家蛋角 - 諗住係一塊塊煎蛋角，點知黎到係一碗湯的...感覺有點怪..內裡有細細舊包到好似餃子形狀的蛋角，但包得好薄，入面好似有點肉，但食唔到係D咩咁..可能佢太細啦。跟住有D菇咁...唔抵食啊...成$8X (加埋一都要over $90，自己煮好過吧)...
飯後有糖水送，係紅棗雪耳糖水，約兩粒紅棗，雪耳真係俾得幾足的，好潤喉，very nice!
見到有不少外國人，亦見有人包左一邊場搞party，nice! =]
價錢其實係中環區唔算貴，加上環境都唔錯。服務態度亦好好!
Total $530
張貼
