影片
更多
2015-09-12
2038 瀏覽
備受國際提名「亞洲最佳50餐廳」其中一間竟然係有"Club"字眼嘅一間餐廳。 小妹好疑惑，難得襯住同姊妹一聚, 決定一試「亞洲最佳50餐廳」Issaya Siamese Club嘅龍與鳳! 整體食物係非常好!環境亦一流! 係服務令小妹卻步。先講令小妹扣分嘅位。禮貌嚟講係扣分扣得比較嚴重。所以評分由好評變一般。1. 當時大概8點晚飯時間, 小妹同友人收到就只有Drink Menu, 搵咗陣都唔見Food Menu, 之後再問店員先拎嚟。2. 最大問題係10分鐘內催落Order 3次, 環顧四周眼見係最少有10張空枱而無放「留座」牌。3. 然後店員一直無斟水, 但突然間有一下就問小妹要Tap Water 定要Sparking Water, 小妹揀咗Tap Water但店員拎嚟係一支未開封玻璃樽嘅水。因為有部份餐廳真係無水供應而要買嘅, 心諗都正常。但之後食飯食到尾聲嘅時候又比小妹見到有統一服飾打扮嘅店員用手提水樽(仲要內有檸檬)為其他客人倒水。我地嘅Tap Water 要收錢, 人地就正常水仲要有檸檬味, 即係點呢?4. 比錢嘅時候小妹係用信用卡要簽名。可能都10點半太攰啦, 身著西裝嘅店
先講令小妹扣分嘅位。禮貌嚟講係扣分扣得比較嚴重。所以評分由好評變一般。
1. 當時大概8點晚飯時間, 小妹同友人收到就只有Drink Menu, 搵咗陣都唔見Food Menu, 之後再問店員先拎嚟。
2. 最大問題係10分鐘內催落Order 3次, 環顧四周眼見係最少有10張空枱而無放「留座」牌。
3. 然後店員一直無斟水, 但突然間有一下就問小妹要Tap Water 定要Sparking Water, 小妹揀咗Tap Water但店員拎嚟係一支未開封玻璃樽嘅水。因為有部份餐廳真係無水供應而要買嘅, 心諗都正常。但之後食飯食到尾聲嘅時候又比小妹見到有統一服飾打扮嘅店員用手提水樽(仲要內有檸檬)為其他客人倒水。我地嘅Tap Water 要收錢, 人地就正常水仲要有檸檬味, 即係點呢?
4. 比錢嘅時候小妹係用信用卡要簽名。可能都10點半太攰啦, 身著西裝嘅店員好Causal 地就重重放低簽名簿同單再搭多句「簽名丫!」……。小妹同姊妹們都係食個飯坐咗2個幾鐘左右…身邊仲有好多吉枱同有客人都未走…我地都無阻收工唧-_-.......
食物方面非常滿意, 逐一介紹:
香辣醋汁牛柳
牛柳烤熟程度剛好, 肉質以及肉汁都滿意。每件都配上香茅、炸蒜, 另有青瓜或者蕃茄作為配搭。香料味之中帶D肉味又清新,正!
香蕉花伴棕櫚芯沙律第一啖嘅感覺係脆! 仔細一睇除左有碎脆蕉片、花生、脆小魚之外, 望住一塊塊方形帶點白色脆塊, 係棕櫚芯。香濃花生味之中帶點微辣, 非常惹味南洋風前菜。
香烤豬肋骨配自家醬汁重頭戲, 豬肋骨。可惜就只得兩件。唔知店家係唔係想營造少食多滋味嘅感覺呢? 肋骨同肉非常容易分離, 咬落去亦非一般美式豬肋骨比較乾身而係肉質鮮嫩又多汁, 領教到雜誌上所提到「3小時熬製」嘅風味。香茅味伴隨著嘅柔和嘅甜味同輕微嘅辣味, 層次豐富而又不蓋過豬肋骨原味…..兩位友人同小妹都覺得係非常出色嘅作品。
胡椒香草大虎蝦可以品嚐到大蝦爽口彈牙, 醬汁有中式風味, 同時胡椒、蒜同香料味亦有於after taste同時滲出。蝦頭嘅蝦膏非常多, 小妹用叉輕輕一拮就吱晒出嚟。咬落亦都鮮味非常。
火焰燒雞
呢個名令小妹聯想<<西遊記>>入面嘅火焰山, 熊熊嘅烈焰…係咁燒呀燒呀~哈哈哈XD上菜嘅時候店員哥哥的確完美演繹咗燒雞一刻。
友人同小妹對呢道菜嘅味道期望比較大(名太有霸氣), 可惜味道同預期有D不一。雞依然鮮嫩亦帶酒香與椰香…但的確係味道比較清淡嘅。
馬沙文咖哩羊膝伴有原塊蒜頭以及薯仔。用刀分開羊膝嘅一刻, 已相信店家對燉煮非常暸如指掌。羊膝有住一重唔會令人失望嘅鮮嫩多汁, 同時亦非常冧。咬落羊騷味唔重, 汁亦無預期嘅濃味。
石鍋蘑菇五穀飯五穀飯故名思義係有咬口。望著一粒粒紅米、黑米、糙米仲有薏米配搭上腰果嘅組合感覺非常健康。可惜嘅係蘑菇較少, 但仍然有菇鮮味。鮮味中仍見蒜香, 亦滋味。
茉莉花奶凍米雪糕最後作結嘅甜品令小妹非常IMPRESSIVE !! 奶凍好好食!! 清新又濃郁茉莉花味食起嚟像真唔虛假。(咁啱同場友人亦叫Jasmine, 好似品評緊佢咁, 哈哈)花香之中亦見奶味, 淡淡花香餘韻令人回味。同時位於碟上有粒粒米粒嘅米味雪糕並無喧賓奪主之嫌, 配搭得奶凍非常出色。惟一美中不足應該就係雪糕上面嘅米脆片, 略為有D「痴牙」。整體嚟講, 呢一道甜品係令小妹當晚有一個美好嘅深刻印象為作結。
以食物質素、份量同整體價格嚟講係性價比非常高的。希望店家追求食物質素同時亦多注意服務層面小細節
張貼
