紅糖

營業中

休息中

家庭聚餐，老人家鍾意中菜，就揀左呢間黎試。喺 Kerry Hotel 入面，環境唔錯，仲有海景，空間感都夠，nice~呢度既中菜走新派路線，少少fusion。頭盤揀左桂花蜜脆蟮球，脆皮做得夠薄，加上桂花蜜，微甜又脆。蟮肉夠厚身，口感都ok，如果彈牙就更好。之後係鵝肝醬片皮乳豬件，最上面既乳豬皮好鬆脆，沒脂肪唔油膩。中層既鵝肝醬，味道唔濃，只係點綴同加多左層次。底部係炸饅頭片，外脆，中間吸左上面既油份，好食。成個比例，口感層次，味道都調較得好，推介！之後揀左個素食，松露野菌素千層。整體黎講清清地，幾好食。可惜既係松露既質量唔好，唔香，接近沒松露味。之後係脆皮醬油燒雞，皮夠脆，肉質係偏硬,雞胸有啲柴，雞味都幾濃，都算 ok。最後叫個薑蔥叉燒撈麵，普普通通。撈麵係粗麵，但唔夠爽口，叉燒絲偏柴，薑蔥味都唔夠香，可以做得好啲。整體都算唔錯，中規中矩。