花月宮 (已結業)

呢間火鍋店係地鐵站行幾分鐘就到，環境好舒服，餐廳樓底好高，裝修新穎，座位又坐得舒服，見到有兩個獨立房，兩間房都比客人book咗，仲可以唱K ！我哋試咗佢嘅打邊爐，食物種類好多，淨係湯底已經有好多唔同嘅款式，我哋想個湯底清清地，所以叫咗皮蛋芫荽做湯底，個湯底非常足料，有大量皮蛋、蘿蔔、馬蹄同芫荽🌿！封門柳牛肉嘅質素好高，好有牛味，而且肥瘦均勻， 淥10秒就食得，好味😋醉雞件雞件用大量酒浸住，好香酒味，雞嘅份量好多，而且係好高質嘅雞，好滑，有雞味！要食到無雪味，仲要有雞味嘅雞，真係一啲都唔容易。手打蝦滑蝦滑非常爽口彈牙，咬開啖啖蝦肉，好高質！