Termini Tea Yard (已結業)

同一班小學同學食完晚飯後，大家都意猶未盡，希望繼續分享一下近況，於是決定係SOGO後面隨意選一間上樓CAFE~遠望見到有露天CAFE仲有「千秋」，由於只有我同另外兩位同學唔食煙，所以室外係最理想既選擇，二話不說就上左去~ 炎炎夏日，坐係無冷氣既地方確實幾熱，不過好在呢度既環境都幾開揚之餘都幾舒服~呢杯BAILEYS MOCHA幾特別，不過夜晚都係唔好飲咁甜同咁多奶既飲品為妙~ 係昏暗既黃光之下，大家都好舒服咁大談近況，唔想飲酒而又食煙既人，呢度實在係不錯既選擇！