影片
更多
2014-08-02
6105 瀏覽
剛7月29日開業的Jamie's Italian, 網上訂檯早已去到9月, 幸好預留8成walk-in客人。我就是想趁未有太多人知道去試試先! 當日早下班就在17:20到達, 那時候已經在地下排隊, 約有2-3個職員推持秩序,並且記下客人的名字及人數, 我無意中聽到大約等1.5小時, 因為我朋友約7時才到齊, 這樣時間剛剛好。可是估不到30分鐘後 (17:50)我已經可以上到餐廳, 我在地下已告訴職員我的情況, 能否安排7時才入座, 她說可以及通知樓上的同事給我pager (類似call機有no. 有檯時就會震動)。但上到餐廳職員沒有給我pager, 只是說可以坐在bar 檯等待朋友到來。環境相當開揚舒服, 大部份都是外國侍應, 有如置身於外國的餐廳一樣。每個侍應都面帶笑容, 十分親切, 有別與香港一般餐廳, serve我的waiter 幾靚仔XD, 首先點一杯Homade Italian Lemonade (fresh lemon juice, sugar, sparkling water) , 感覺相當清新, 解渴一流。可以坐係bar 檯點飲品或小食等位, 安排相當不錯。2位朋友都
環境相當開揚舒服, 大部份都是外國侍應, 有如置身於外國的餐廳一樣。每個侍應都面帶笑容, 十分親切, 有別與香港一般餐廳, serve我的waiter 幾靚仔XD, 首先點一杯Homade Italian Lemonade (fresh lemon juice, sugar, sparkling water) , 感覺相當清新, 解渴一流。可以坐係bar 檯點飲品或小食等位, 安排相當不錯。
2位朋友都陸續到達, 我就詢問職員能否安排入座, 可能我英文未精通導致溝通上有點誤會, 約有2檯已經入座, 但我仍然等著, 剛巧地下職員上來, 我就跟她用廣東話告訴我的情況, 應該是她同事有少少誤會了, 她說有下一張檯便能安排我們入座, 這樣待客之道值得一讚!
早幾年前我在澳洲已試過Jamie's Italian, 所以今次有少許期待。點了另一推介Berry blast (raspberries, cranberries, limes, passion fruit), 朋友們說第一啖飲落似蕃茄 (笑)....反而我覺得有番石榴味既, 味道不會覺得酸剛剛好。
早幾天已經網上看menu, 不過英文未精通的確好有難度, 睇到頭痛 ><, 所以就點了網上推介菜式。而serve我們的waitress 是位年輕靚女, 她熟讀menu而且可以詳細解釋給我們知道食材是什麼, 很值得加分!CURED MEATS 必點! 4款醃製肉類 再配水牛芝士、羊奶芝士、沙律 ($79 位, 再按人數叫)
waitress 建議由淡味食到濃味, 即是由下到上, 可配水牛芝士食
prosciutto 火腿味道似巴拿馬火腿, 味道鹹鹹地幾惹味。pistachio mortadella 開心果火腿我至愛, 夠薄及味道較淡, 食多幾塊都不會滯。fennel salami 茴香肉腸 及 schiacciata piccante 辣肉腸味道相當較濃, 配合羊奶芝士既中和到鹹味又食到芝士香味, 一流。
一粒似波的羊奶芝士好得意, 單食芝士味道會較淡似cream cheese, 但配上火腿食味道都幾夾。一塊水牛芝士放在music bread 薄脆麵包上面, 有橙色的甜酸醬中和芝士味道, 感覺不會單調, 而且麵包十分脆口, 我咬下去聲音清脆得嚇倒朋友, 因為他剛剛在扭相機某部份, 以為給他扭爛了, 哈哈!
SQUID-INK SPAGHETTI $87/$145, 欣賞某些菜式有不同size 選擇, 這樣就可以試更多食物。我們3個人share, waitress建議點$145大份。 每天新鮮製的墨魚汁麵, 帶子薄身同幾滑, 不過墨魚汁麵有點失望, 意粉我覺得有點硬, 可能是外國人的地道口味, 不是太適合我, 而且個底太多水賣相麻麻地。
POSH CHIPS $50 With truffle oil & Parmesan 看英文menu看到頭痛關係, 不是點太多菜! 這個後加的薯條, 很喜歡熱騰騰及粗的薯條, 食到黑松露鹽的味道, 再配上巴馬芝士, 不錯小食之一。
FREE-RANGE CHICKEN $165 因為我不食牛同羊, 所以只好選雞。食的時候將rosemary 撒在雞肉上, 充滿香草味, 肉質算滑, 我很喜歡食雞胸部位, 所以這個菜很合我心意, 啖啖肉, 而且配上蕃茄醬十分開胃。
BREAM ACQUA PAZZA $205 這個也是後加的菜, 一開始waitress就介紹其中推介菜就是魚, 簡單地說成條魚加材料放入去蒸。係我印象中外國菜係類似魚柳的物體上檯, 那時候見到這碟不禁O咀起來, 點解咁似中式既?! 意大利鯛魚味道還可以, 肉質算滑, 但不是我喜歡的魚類之一, 而且$200 唔抵食。
還有點餓意, 所以點了 ARTISAN ITALIAN BREADS $30, 有幾款麵包 Homemade rosemary focaccia 迷迭香意式薄餅、ciabatta 拖鞋麵包、music bread 薄脆麵包及ciabatta 拖鞋麵包、grissini 麵包條。$30 相當超值, 而且味道不俗, 前2款較有咬口但有香草味, 而後2款就是好脆的餅乾類, 其實可以配合cured meat 一齊食。配有橄欖油及香醋, 如果有牛油就perfect喇...
終於到最後的甜品, 一早已經有心水。Creamy Panna Cotta $60 意大利鮮奶布丁, 上檯時看到布丁左右搖晃, 識得震arrrr, 食落口好重奶味及布丁好滑, 配上雜莓醬汁, 味道我覺得未算太出眾, 未必會encore。
Tiramisu $65 賣相絕對不討好, 但一食落好香濃的咖啡味在舌頭上徘徊, 加上橙皮既清新又有咬口, 不過份量略為太小。
總結: 餐廳的環境一流及侍應生服務相當親切, 不時會問食物味道是否OK。而且價錢及份量在銅鑼灣地區是合理。因為 Jamie Olivier 的名氣會對餐廳有所期望, 飲品cocktail 的確不錯, 至於食物味道OK, 但不至於係"好好食"。食物款式及質素希望有更多改善空間。不過都值得來一次食的!張貼
