影片
更多
2022-11-25
5077 瀏覽
今日係我閨蜜生日嘅大日子，真係好想好想同佢一齊享受美食, 渡過一個愉快嘅晚上🥰 最近去過中環加州大廈，發現有好多高質嘅餐廳。 今晚我哋就試咗一間位於6/F，好出名嘅FUMI🫶🏻 餐廳主打傳統同創新嘅日本料理，裝修好和風，喺呢一種氛圍享受創意美食，身心靈都體驗到一種日式恬靜優雅🥰🌟Yamazaki High-ball首先當然點兩杯酒精飲品啦，閨蜜就點咗 Yamazaki High-ball， 山崎威士忌配咗梳打，比剩飲威士忌容易入口好多，喺日本好多人飲，居酒屋必點👍🌟Suntory Premium Malt's Draft食日本嘢，當然飲日本啤酒啦，三德利啤酒喺日本都係名牌，配襯有公司logo嘅酒杯，爽😎🍻🌟FUMI特製三色卷我最鍾意就是餐廳嘅招牌推介，再一次證明係冇錯㗎。 三色卷上面係海膽，帶子同飛魚子，卷物裏面有芝士同蟹肉， 用料新鮮，味道相當唔錯👍🌟燒味醂河豚乾做得好出色嘅小食，作為佐酒物當之無愧，燒得好香有少少蜜糖嘅甜味，河豚乾特有嘅香味真係令人無法抗拒😌🌟北海道松葉蟹甲羅燒配法包北海道松葉蟹肉份量十足，配埋蟹膏醬同法包一齊食，味道好Rich，感覺好奢侈，每一口都係享受😎🌟高知縣
今日係我閨蜜生日嘅大日子，真係好想好想同佢一齊享受美食, 渡過一個愉快嘅晚上🥰 最近去過中環加州大廈，發現有好多高質嘅餐廳。 今晚我哋就試咗一間位於6/F，好出名嘅FUMI🫶🏻 餐廳主打傳統同創新嘅日本料理，裝修好和風，喺呢一種氛圍享受創意美食，身心靈都體驗到一種日式恬靜優雅🥰
🌟Yamazaki High-ball
首先當然點兩杯酒精飲品啦，閨蜜就點咗 Yamazaki High-ball， 山崎威士忌配咗梳打，比剩飲威士忌容易入口好多，喺日本好多人飲，居酒屋必點👍
🌟Suntory Premium Malt's Draft
食日本嘢，當然飲日本啤酒啦，三德利啤酒喺日本都係名牌，配襯有公司logo嘅酒杯，爽😎🍻
🌟FUMI特製三色卷
我最鍾意就是餐廳嘅招牌推介，再一次證明係冇錯㗎。 三色卷上面係海膽，帶子同飛魚子，卷物裏面有芝士同蟹肉， 用料新鮮，味道相當唔錯👍
🌟燒味醂河豚乾
做得好出色嘅小食，作為佐酒物當之無愧，燒得好香有少少蜜糖嘅甜味，河豚乾特有嘅香味真係令人無法抗拒😌
🌟北海道松葉蟹甲羅燒配法包
北海道松葉蟹肉份量十足，配埋蟹膏醬同法包一齊食，味道好Rich，感覺好奢侈，每一口都係享受😎
🌟高知縣四萬十川鰻魚蒲燒
之前去過日本四國旅行，到過"四萬十屋"食鰻魚，一試愛上😍 今晚竟然喺餐廳見到，當然要點嚟試下啦。 而家係日本鰻魚當造嘅季節，肉質肥美，好味😌 當然餐廳廚師燒得好絕對係重點， 雖然價錢貴少少，但係你出面唔係咁易食到喎，物有所值👍
🌟燒銀鱈魚西京燒麵鼓漬
鍾意食海鮮嘅我地，點會錯過銀鱈魚西京燒😎 銀鱈魚魚油超多，所以燒出嚟特別香👍 食材好好，魚肉一梳梳，魚皮又燒得脆，呢個價錢竟然有兩大塊， 我同閨蜜都唧唧稱奇🤣 如果唔係太多嘢食，真係想叫多份🤣
🌟雜錦海蝦天婦羅拼盤
天婦羅炸得好出色，個皮好薄👍 呢一種就係天婦羅應該有嘅口感。除咗蝦之外，我覺得值得一讚係佢嘅沙追魚， 肉好滑，食得出鮮味🫶🏻
🌟宮崎無添加健康豚肉涮涮鍋
上枱好震撼， 餐廳用咗一個日式金屬嘅器皿，而且食材擺盤好靚，感覺好高級。用料方面，宮崎豚肉出色， 大蔥同冬菇好香，仲有少見嘅舞茸菇，加埋出色嘅湯頭🥰 感覺就好似食緊懷石料理最後一道菜， 食過先有一種完整嘅美味🫶🏻
FUMI係中環營運多年，儲落唔少好嘅口碑🥰 餐廳之前出過一個放題，極受歡迎。 可惜當時冇時間試。 今餐晚飯我同閨蜜都食得好開心，享受到匠人居酒屋既料理，一試難忘，真心推介🫶🏻 俾啲貼士啲男士，如果想同心儀女士食飯，FUMI真係唔錯，喺一個高級又唔拘謹嘅環境用餐，話題都多啲啦😆
張貼
