薩莉亞意式餐廳 (天澤商場)

營業中

休息中

天澤商場入面比較好食嘅西餐就只有薩利亞，其實開始嘅時候環境衛生量中比較好，但係呢間鋪開到依家再幫襯就開始發覺有好多昆蟲周圍爬甚至會喺啲碟度爬過。雖然衛生情況比較一般，但係以佢嘅價錢來講我都仲可以接受呢一個衛生情況，唯有自己裝熱水先抹乾淨啲刀叉及碗碟先啦。殺你啊嚟到一定要食嘅梗係雞翼啦，不過雞翼嘅大細好飄忽，今次嘅大細就適中啦。味道依然都係好香口，啲肉都係好嫩滑嘅，食四隻有時真係唔係好夠喉。另外仲嗌左焗薯角焗白汁雞肉菠菜，同埋野菌忌廉意大利粉。雖然埋單只係88蚊，但其實都算係好食㗎，呢個價錢有呢一個味道絕對係會令我再幫襯嘅。唯一希望就係改善下衛生情況啦！