Couple's Kitchen (已結業)

元朗教育路新開嘅一間意大利餐廳，用左簡約嘅英式裝修，樓底高，座位寬敞，而且有一個VIP區可以舉辦小型聚會。晚餐都係睇a la carte menu, 加$48可以轉餐（有餐湯、餐包、茶或咖啡），如果轉特色飲品另加$28。番茄濃湯味道一般，較多茄膏，如果加入香草或麵包粒會好d。牛角包餐包比較特別，係牛角包。但賣相唔太靚，上桌係扁扁的，唔夠酥脆，而且size比較細小。鹹豬手配泰式醬（$188）份量好多，薯條係即炸的，外脆內軟。醬汁係泰式香草醬，豬手外層可以再脆d, 脂肪較多。焗非洲雞（$168）雞肉嫩滑，去左骨，食落啖啖肉。醬汁較濃味，類似葡汁。凍柚子茶唔知係咪冰比較多，攪勻都味道較淡。凍奶茶同一般茶餐廳嘅奶茶唔同，茶味較濃，而且唔太甜，幾好味。