影片
更多
2022-09-21
802 瀏覽
中午入嚟食 喺門口企咗好耐都冇人開門，等左10幾分鐘之後終於有人開門，開門係個姐姐 一啲禮貌都無 一句歡迎光臨都無 直接講：「要等，等唔等位？」又唔問有無預約又唔問幾位 坐係到等左十幾二十分鐘，等果陣又熱又等得耐，終於入到座，但係就連餐牌都無張，叫極都無人理，個姐姐聽到我嗌見到我，但係又無視我，之後仲行入去水吧都吹水都唔理我，自己企係到吹水飲茶，我就連杯水都無，等左好一陣終於有個黑衫佬聽到我嗌叫人過嚟比餐牌，啲侍應簡直垃圾，叫天不應叫地不聞🤬。嘢食都還好，不過不失，烏龍茶飯算有驚喜，都幾好食😋，不過嗰個芥末醬好似怪怪地，感覺唔太襯個雞扒，個杯黑糖奶茶啲珍珠有少少硬，不過都唔算好難飲，可能對我嚟講會有少少太甜不過整體嚟講都算好飲。食完埋單果陣時個阿姐又係無反應，要叫好耐先唔情願過嚟(又係嗰個阿姐😡)，比錢果陣仲問我攞貼士，真心好意思咩？一個幾廿歲嘅呀姐主動問我攞，你唔係差我果一百幾十過生活呀嘛？咁嘅服務又收我加一又收我貼士會唔會過份啲呢，真心以後都唔會再嚟。簡單總結，環境食物都唔錯，不過侍應嘅服務簡直垃圾，如果唔係啲食物幾好食，我諗成間舖應該好快執笠，最過分係直接攤大手板問我攞貼士，今時
簡單總結，環境食物都唔錯，不過侍應嘅服務簡直垃圾，如果唔係啲食物幾好食，我諗成間舖應該好快執笠，最過分係直接攤大手板問我攞貼士，今時今日咁嘅服務態度我以後都唔會再嚟。
張貼