影片
更多
2022-12-01
458 瀏覽
月頭比較忙，收工後唔想仲要煮飯咁辛苦。上網喺外賣 apps 搵到呢間「架勢廚房」。店鋪主打環球美食，除左星洲及日韓台菜式外，甚至連火辣辣嘅四川菜都有得供應，咁多花款，真係食多幾次都唔怕悶，一於買多幾份番屋企同家人分享！點左個台呷晚市二人套餐、2 個日式便當，另外再加左客台灣香腸同韓風豬手。台呷晚市二人餐 ($86)，呢個 Dinner Set 包 2 款主食+指定罐裝飲品。揀左古早味滷肉便當同鹽酥雞香腸便當。滷肉以五花腩切粒製成，肉粒肥瘦適中，入口軟腍有香味。米飯用上珍珠米，食落粒粒分明，煙韌又有咬口。配料有青瓜、椰菜、滷蛋同鹹酸菜，分量不少，配滷肉食，味道一流！鹽酥雞炸得啱啱好，外層炸粉唔會太厚，入口外脆內 Juicy，啖啖肉，好滋味。伴吃嘅香腸亦非常正，外皮燒得恰好，入口帶少少焦香👍個便當得 4 片香腸當然唔夠喉，好彩我醒目，另外再加點左一客台灣香腸 (+$30)。睇下燒得幾靚仔，肉質軟硬適中，夾埋生蒜片，少少辛辣，係正宗台灣人嘅食法。 另外呢客Q彈無骨豬手 ($68) 亦係必食推介，入口皮爽肉嫩，肉質好腍身，啖啖肉又無骨，唔使點醬汁食已經夠晒入味！至於 2 個日式便當就點左日式
月頭比較忙，收工後唔想仲要煮飯咁辛苦。上網喺外賣 apps 搵到呢間「架勢廚房」。
店鋪主打環球美食，除左星洲及日韓台菜式外，甚至連火辣辣嘅四川菜都有得供應，咁多花款，真係食多幾次都唔怕悶，一於買多幾份番屋企同家人分享！
點左個台呷晚市二人套餐、2 個日式便當，另外再加左客台灣香腸同韓風豬手。
台呷晚市二人餐 ($86)，呢個 Dinner Set 包 2 款主食+指定罐裝飲品。揀左古早味滷肉便當同鹽酥雞香腸便當。
滷肉以五花腩切粒製成，肉粒肥瘦適中，入口軟腍有香味。米飯用上珍珠米，食落粒粒分明，煙韌又有咬口。配料有青瓜、椰菜、滷蛋同鹹酸菜，分量不少，配滷肉食，味道一流！
鹽酥雞炸得啱啱好，外層炸粉唔會太厚，入口外脆內 Juicy，啖啖肉，好滋味。伴吃嘅香腸亦非常正，外皮燒得恰好，入口帶少少焦香👍
個便當得 4 片香腸當然唔夠喉，好彩我醒目，另外再加點左一客台灣香腸 (+$30)。睇下燒得幾靚仔，肉質軟硬適中，夾埋生蒜片，少少辛辣，係正宗台灣人嘅食法。 
另外呢客Q彈無骨豬手 ($68) 亦係必食推介，入口皮爽肉嫩，肉質好腍身，啖啖肉又無骨，唔使點醬汁食已經夠晒入味！
至於 2 個日式便當就點左日式野菜炒麵 ($48) 同 日式和風牛肉丼配溫泉玉子 ($48)。
麵條炒得好有鑊氣，雖然拎到返屋企先至食，但係仍然保持水準，入口爽身香滑，配埋啲洋蔥同芝麻粒，多重口感，相當味美！
另外個丼飯亦份量十足，牛肉細嫩又唔過韌，和風汁香濃鮮甜，再撈埋半生熟嘅溫泉蛋一齊食，令味道更加甘香。
張貼
