人生有限杯.串燒店

營業中

休息中

{食串燒食到飽 - $592}約會好耐無見嘅朋友，就會諗起可以坐定定食下串燒慢慢傾嘅地方！之前聽人講銅鑼灣有一間Sapporo 生啤$48買一送一！即刻諗住同朋友上去一路食串燒一路啤啤佢！頂，佢話呢排養生唔飲凍嘢😰嘥料！不過串燒都好唔錯，全部嘢都係即叫即燒，有誠意，仲有啲係$10串，抵食！有幾樣嘢係特別好味，點都要講吓！♦️ 日式秘製汁炸拆骨雞翼呢個係一個去骨雞翼，有誠意之處係佢再用無骨嘅雞翼包住大蔥嚟炸！除咗外脆內嫩嘅質感，仲有大涌嘅香味，相當有誠意！♦️ 泰式燒墨魚鬚用咗新鮮嘅墨魚鬚，感覺唔係普通來貨急凍海鮮，有墨魚嘅香味！配埋佢哋精心製作泰式醬汁，搞到本麻甩忍唔住留住碟醬汁點其他串燒！♦️ 蒜蓉菜圃燒廣島蠔燒蠔好多時都會喺串燒店度食到，不過呢度竟然除咗用蒜蓉之外仲用咗菜圃，呢個有驚喜，超香濃嘅配料燒出嚟嘅特別惹味！♦️ 芫荽雞絲手抓餅手抓餅死不多，愛茜之人啱晒嘅芫荽雞絲，夾落去就可以將手抓餅帶去另一個層次，雞絲勁香又Juicy，實在都幾好味！本來仲叫咗10款唔同嘅串燒，每樣嘢都係上品水平不能盡錄！CP值實在不錯！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍