影片
更多
2023-02-19
55 瀏覽
又到咗太座生日嘅大日子，要搵間餐廳食餐好嘅慶一慶佢，諗起因為疫情，幾年都冇去過TimePark食嘢，以前食過係一間高水準嘅食店，所以好有印象，決定去回味吓！落到去完全唔同咗，原來已經裝修過，裡面環境唔同咗，仲有live band喺夜晚即場演出，感覺好新鮮同特別！“特色脆皮燒賣”可以講係呢度嘅名物，外表似燒賣，其實食落又好似春卷，每次嚟到都一定會點嘅小食，外面食唔到！“墨西哥粟米片”上枱一塊塊大大塊，附送鎚仔一個俾你扑碎嚟食，梗係由個仔表演，點知佢扑完食到唔停口，哈哈！“柚子醋鮑魚仔”一啖一小塊鮑魚仔，清新口味，唔錯！“魚蝦蟹多士”口感豐富又特別，鹹鹹香香咁，配埋脆脆多士都幾正！“廚師精選沙律”食材都好新鮮，食完令人好開胃，好想食主食！“蒜香炒蝦球意粉”原來呢個意粉竟然幾辣吓，鍾意食辣嘅朋友真係會好啱，辣度唔低㗎，蝦球數量都多而且爽口彈牙！“黑松露雜菌田園意大利飯”本身我唔太鍾意食意大利飯，因為覺得飯心硬，呢度食落連個飯心都軟埋，黑松露又夠香，材料都唔少，下次一定會再食！“青蘋果醬厚切豬鞍”太座對喺街食牛扒好抗拒，所以多數會叫豬鞍，連佢都讚呢個豬鞍夠哂juicy又惹味，點埋個青蘋果醬嚟食
落到去完全唔同咗，原來已經裝修過，裡面環境唔同咗，仲有live band喺夜晚即場演出，感覺好新鮮同特別！
“特色脆皮燒賣”可以講係呢度嘅名物，外表似燒賣，其實食落又好似春卷，每次嚟到都一定會點嘅小食，外面食唔到！
“墨西哥粟米片”上枱一塊塊大大塊，附送鎚仔一個俾你扑碎嚟食，梗係由個仔表演，點知佢扑完食到唔停口，哈哈！
“柚子醋鮑魚仔”一啖一小塊鮑魚仔，清新口味，唔錯！
“魚蝦蟹多士”口感豐富又特別，鹹鹹香香咁，配埋脆脆多士都幾正！
“廚師精選沙律”食材都好新鮮，食完令人好開胃，好想食主食！
“蒜香炒蝦球意粉”原來呢個意粉竟然幾辣吓，鍾意食辣嘅朋友真係會好啱，辣度唔低㗎，蝦球數量都多而且爽口彈牙！
“黑松露雜菌田園意大利飯”本身我唔太鍾意食意大利飯，因為覺得飯心硬，呢度食落連個飯心都軟埋，黑松露又夠香，材料都唔少，下次一定會再食！
“青蘋果醬厚切豬鞍”太座對喺街食牛扒好抗拒，所以多數會叫豬鞍，連佢都讚呢個豬鞍夠哂juicy又惹味，點埋個青蘋果醬嚟食簡直一流！
其實呢度嘅酒類飲品都幾多款式選擇，同朋友落嚟飲吓食吓，再聽埋歌都係一個唔錯嘅地方！
特式燒賣
3 瀏覽
0 讚好
0 留言
黑松露雜菌意大利飯
3 瀏覽
0 讚好
0 留言
青蘋果醬厚切豬鞍
2 瀏覽
0 讚好
0 留言
張貼
