漁之部屋 (已結業)

同舊同事慶生加食開年飯，因為佢住將軍澳又鍾意食日本野，所以我地揀左食衣間放題。因為係星期五晚巿，所以$288一位，但啲野食都好多款同好味，抵返晒。我都係第一次食衣間，個同事就話衣間好受歡迎好多人，唔book 位唔駛旨意walk-in 食到，好彩個同事早一個禮拜訂位咋。又有串燒，又有魚生，又熟食，又有甜品同好多款雪糕批。我地落左單，一張單都無走單，啲野食又好味又新鮮又多款，怪唔知得咁多人食佢啦，因為真係好抵食。衣間可以再encore ! 同埋個同事話慶祝生日既話可以叫職員熄燈開射燈照住壽星仔同有專人攞個點左蠟燭既蛋糕出黎一齊唱生日歌架。但我地成班老野唔敢咁張揚話比人知又大一歲，所以今次無玩到🤣。