影片
更多
2013-08-19
1473 瀏覽
今日係我生日，已經揀左好耐食咩好。見呢度既磨菇湯同麵包蟹意大利飯好吸引，所以就決定黎呢度慶祝生日。地方比我想像中細，只有十幾張枱，不過咁都好，靜D。我地坐係窗邊，可以望到希慎，見到街上人來人往，而我地就坐係浪漫有氣氛既環境度食飯，感覺好得意。一坐低待應就點著枱上既蠟燭，更添浪漫氣氛。上左一杯凍水、一杯暖水。但其實我地都想飲凍水，如果上之前可以問一問會更好。俾左兩個MENU同WINE LIST我地，侍應姐姐話仲有個2人SET既MENU但另一個客睇緊，要等一等。一等就十幾分鐘......原來個2人SET MENU SAVE左係部IPAD度，但其實只係一份NOTES，無圖片淨係得字。我覺得可以PRINT出黎就得，唔需要咁樣將部IPAD傳來傳去。我唔介意一張A4紙做MENU，但介意等MENU都要等咁耐。最後我地都揀左2人SET，前菜係生牛肉沙律同慢煮三文魚。侍應姐姐話前菜唔岩食可以轉其他，咁就非常好，因為老公唔食牛肉，所以轉左龍蝦雲吞。叫完野食就上左呢個，蒜蓉包好脆好好味。蕃茄加醋估唔到咁好味，夠清新可以減低蒜蓉包既油膩感。轉左既前菜，龍蝦雲吞。好香龍蝦味，絶對唔係罐頭味，雲吞皮夠滑同薄，唔會
地方比我想像中細，只有十幾張枱，不過咁都好，靜D。
我地坐係窗邊，可以望到希慎，見到街上人來人往，而我地就坐係浪漫有氣氛既環境度食飯，感覺好得意。
一坐低待應就點著枱上既蠟燭，更添浪漫氣氛。上左一杯凍水、一杯暖水。但其實我地都想飲凍水，如果上之前可以問一問會更好。
俾左兩個MENU同WINE LIST我地，侍應姐姐話仲有個2人SET既MENU但另一個客睇緊，要等一等。一等就十幾分鐘......原來個2人SET MENU SAVE左係部IPAD度，但其實只係一份NOTES，無圖片淨係得字。我覺得可以PRINT出黎就得，唔需要咁樣將部IPAD傳來傳去。
我唔介意一張A4紙做MENU，但介意等MENU都要等咁耐。
最後我地都揀左2人SET，前菜係生牛肉沙律同慢煮三文魚。
侍應姐姐話前菜唔岩食可以轉其他，咁就非常好，因為老公唔食牛肉，所以轉左龍蝦雲吞。
叫完野食就上左呢個，蒜蓉包好脆好好味。蕃茄加醋估唔到咁好味，夠清新可以減低蒜蓉包既油膩感。
轉左既前菜，龍蝦雲吞。好香龍蝦味，絶對唔係罐頭味，雲吞皮夠滑同薄，唔會接口位一舊舊，入面亦食到龍蝦肉。
個忌廉汁好好味，但覺得三文魚過熟。我鍾意食既係外面煎到好脆，但入面仲好生既。呢度就煮到差不多成舊熟哂，可能就係慢煮？我覺得無咩特別。
老公叫左龍蝦湯，，好香濃龍蝦味，仲有龍蝦肉，老公好喜歡。我叫左黑松靈磨菇湯，夠濃夠CREAMY，啖啖都有磨菇蓉，係我鍾意既口感。加埋黑松露好香，但老公就覺得太濃磨菇味，接受唔到。果然唔係好多人識欣賞磨菇湯。
主菜到，黑毛豬唔知咩。老實說黑毛豬唔好食，鞋口，同瘦叉燒無分別。我唔識分係黑毛豬唔靚定煮得唔岩，但我食過好好味既黑毛豬。配菜薯仔爽口好味，原個蒜頭都有煮過，但我無食過，老公話唔錯。
我最期待既意大利飯，幾鍾意佢既口感，飯既軟硬度同濕度都適中。但我完全食唔到有蟹肉，淨係食到飯都磨菇粒。欣賞黑松露分開上，可以按自己喜好調味。我老公唔鍾意黑松露，所以我可以一個人用哂黎撈飯，香味濃郁到不得了。
老公叫既焦糖燉蛋，我試左一啖，奶味濃郁，但略嫌唔夠暖，雪櫃岩岩拿出黎既感覺。我既朱古力芭菲本身已經好濃朱古力味，加埋暖笠笠既朱古力醬，無敵。但食得多會覺得膩，如果加番啲酸酸地既生果，可以中和一下更好。
題外話/補充資料：
環境同服務非常好，食物係貴價，但食唔出貴價既感覺，烹調方面可以再改善。
(以上食評乃用戶個人意見 , 並不代表OpenRice之觀點。)
張貼
