味火鍋 (華僑商業中心)

朋友生日聚餐，當然要揀間坐得耐無限時的餐廳最重要，呢間味火鍋水準都算OK，勝在精選頭盤好豐富，火鍋料的上菜速度亦很快，飲料選擇亦非常多，竟然有比較少見的韓國黑啤。精選頭盤可選芝士焗波士頓龍蝦，雖然只是半隻龍蝦但蝦肉都算多，入口彈牙；亦可揀食四川麻辣雞煲或老壇酸菜魚，友人們選了酸菜魚，魚肉夾起不易散，入口好夠味。湯底選了鴛鴦鍋，不過四川麻辣鴨血鍋即使揀大辣亦比較淡，沒有麻香味，只有口唇邊辣那種，鴨血亦不夠Q彈，此湯底扣了點分數。幸好皇牌火鍋拼盤就加返分啦，有蟶子皇、大元貝、鮑魚、海蝦及台山蠔，都幾新鮮。牛肉拼盤亦不錯，但種類就比較少，其他火鍋配料丸類餃類水準亦正常。