影片
更多
2020-12-28
156 瀏覽
今次帶大家嚟到鰂魚涌一嚐人氣脆皮麻糬泡芙 （@healing_bakery) ---- 治癒菓子店，同大家成日見到嘅鬍鬚爸爸🧔🏻唔同，唔係大量生產，每個都人手製作，味道仲每日唔同，每隻口味都非常特別，包你出面食唔到㗎！.髒髒比利時朱古力麻糬泡芙 🍫第一個先食朱古力味，面頭有朱古力淋醬同可可粉，下面有朱古力麻糬，中間就係朱古力Cream，以為就咁簡單咁就錯啦，食落入面仲有一塊塊嘅比利時朱古力，但佢地採用嘅係低糖配方，所以朱古力味都唔算好甜。.Oreo脆脆麻糬泡芙 🍪滿滿嘅Oreo碎，配埋忌廉同原味麻糬，我哋最鍾意依款！ 因為麻糬本身無乜甜味，而上面甜甜嘅Oreo碎就Balance返個味道。.煉乳草莓麻糬泡芙 🍓草莓煉奶味道嘅Cream好大舊好挺身，好似食緊酸酸甜甜嘅雪糕咁，配返下面嘅原味麻糬，所以都唔會太甜。.小山園抹茶小倉紅豆麻糬泡芙 🍵抹茶同紅豆係絕配，微苦澀嘅抹茶忌廉配甜甜嘅紅豆泥，下面仲有抹茶味麻糬，好夾！.Foodastics排名: Oreo > 抹茶紅豆 > 煉乳草莓 > 髒髒朱古力.除咗以上四種，佢地仲有十幾廿種唔同味道，剩係抹茶都有三四種唔同配搭
.
髒髒比利時朱古力麻糬泡芙 🍫
第一個先食朱古力味，面頭有朱古力淋醬同可可粉，下面有朱古力麻糬，中間就係朱古力Cream，以為就咁簡單咁就錯啦，食落入面仲有一塊塊嘅比利時朱古力，但佢地採用嘅係低糖配方，所以朱古力味都唔算好甜。
.
Oreo脆脆麻糬泡芙 🍪
滿滿嘅Oreo碎，配埋忌廉同原味麻糬，我哋最鍾意依款！ 因為麻糬本身無乜甜味，而上面甜甜嘅Oreo碎就Balance返個味道。
.
煉乳草莓麻糬泡芙 🍓
草莓煉奶味道嘅Cream好大舊好挺身，好似食緊酸酸甜甜嘅雪糕咁，配返下面嘅原味麻糬，所以都唔會太甜。
.
小山園抹茶小倉紅豆麻糬泡芙 🍵
抹茶同紅豆係絕配，微苦澀嘅抹茶忌廉配甜甜嘅紅豆泥，下面仲有抹茶味麻糬，好夾！
.
Foodastics排名:
Oreo > 抹茶紅豆 > 煉乳草莓 > 髒髒朱古力
.
除咗以上四種，佢地仲有十幾廿種唔同味道，剩係抹茶都有三四種唔同配搭，想試晒真係要勤力啲去排隊先得。由於治癒菓子店採用低糖配分，以上四隻味其實都比坊間嘅泡芙無咁甜，如果真係想食好甜嘅甜品可能真係未必啱你啦，但想過下甜品癮🍡🥠🥮又怕肥嘅女士們或者怕甜嘅男士就啱晒！
.
泡芙Size真係好大個，入面仲有大大舊麻糬，脆皮加埋煙煙韌韌嘅麻糬，一個人食一個都夠晒飽，食完超滿足。當日買完之後放左喺雪櫃幾個鐘先食，忌廉仲好挺身，表面嘅脆皮都仲Keep到，唔會淋晒，但當然都建議即買即食啦！
.
如果大家想食嘅話，要留意返佢只有兩個出爐時間♨️(13:15/17:15)，佢地只會係出爐時間開門，其餘時間都閉門烘焙中，星期六日同紅日都唔開📅，所以要小心唔好摸門釘，而且有時訂單全滿都可能排唔到現貨㗎！佢地仲會每日都會更新現貨口味，有關詳情要留意IG (@healing_bakery)。不過據觀察，就算係Lunch time，都有好多人去排隊👫👭👬，最好喺出爐時間早十至十五分鐘前到。
.
張貼
