影片
更多
2020-10-14
208 瀏覽
放題火鍋好多時啲海鮮都麻麻地，今次特登搵一間食海鮮火鍋嘅專門店，果然冇失望。龍蝦非常多膏，簡直想湧出嚟！老闆提醒如果想最後的粥底鮮甜，可以其中一個選擇係蟹。聖子好晶瑩剔透，淥十幾秒就可以食，鮮甜嫩滑，一啲都唔腥，絕對可以encore。扇貝又係好靚，一望就知新鮮，淥完都仲係好大粒，咬落去有淡淡鮮味，點少少豉油更加銷魂。牛肉有兩款，一款係套餐包左嘅安格斯牛肩肉，望落去花紋冇咁均勻，一種係肥牛，花紋好靚。食落去肥牛真係比較肥，重油香，安格斯雖然冇咁肥，但係都重牛味，好味又健康。脆鯇骨腩片好厚肉，老細特別提醒愈淥得耐愈脆。我喺淥咗10分鐘左右偷食咗一舊，果然比較軟身，再淥耐啲就真係變得脆口，老細冇吹水👍最尾用粥底作結，吸曬海鮮精華既粥底，配上爽口菜甫，無得輸！！
放題火鍋好多時啲海鮮都麻麻地，今次特登搵一間食海鮮火鍋嘅專門店，果然冇失望。
龍蝦非常多膏，簡直想湧出嚟！老闆提醒如果想最後的粥底鮮甜，可以其中一個選擇係蟹。
聖子好晶瑩剔透，淥十幾秒就可以食，鮮甜嫩滑，一啲都唔腥，絕對可以encore。
扇貝又係好靚，一望就知新鮮，淥完都仲係好大粒，咬落去有淡淡鮮味，點少少豉油更加銷魂。
牛肉有兩款，一款係套餐包左嘅安格斯牛肩肉，望落去花紋冇咁均勻，一種係肥牛，花紋好靚。食落去肥牛真係比較肥，重油香，安格斯雖然冇咁肥，但係都重牛味，好味又健康。
脆鯇骨腩片好厚肉，老細特別提醒愈淥得耐愈脆。我喺淥咗10分鐘左右偷食咗一舊，果然比較軟身，再淥耐啲就真係變得脆口，老細冇吹水👍
最尾用粥底作結，吸曬海鮮精華既粥底，配上爽口菜甫，無得輸！！
張貼
