卡莎338 (已結業)

姑姐生日話食生蠔，記得公司附近有間餐廳食生蠔好平，見網上口卑唔錯，決定放工帶姑姐黎左呢間食。今次目標主要食生蠔，所以就叫兩個晚餐加一份5款生蠔set 。生蠔拼盤，一次過食晒5款生蠔，大中細齊哂😆，最細果款係最平$10隻，肉身不大，口感爽口，海水味重。而韓國款姑姐大愛，新鮮，肉厚，海味最十足。最大果2隻生蠔很肥美和鮮甜，海水味濃，食完口內回甘，好正！黑松露野菌鮮蝦意大利飯，意大利飯既飯有一點外軟內韌的感覺，很Creamy，黑松露野菌香味濃郁，虎蝦大大隻，中間已剪開一半，令蒜香味突出，非常入味，仲方便進食。👍🏻厚肉美國牛脷，黎到嘩左一聲，牛脷有成4大塊，每一件都厚切，份量十足，望落以為食緊牛扒😆。肥美的牛舌，爽滑嚼勁。 加埋鐵阪燒汁，大滿足。