喜多嬉牡蠣屋 (已搬遷) 新店位置

特選生蠔$538，除了生蠔同焗蠔任食，仲可以任食串燒同飲品。🦐海鮮湯非常鮮甜，用來暖胃。🐟懷石八品有梅子漬車厘茄、醋漬青瓜伴蟹肉、三文魚同帆立貝、燒鰻魚、雞肉串蘿蔔、明大子芝士薯蓉、牛油果吞拿魚蓉、最後係蟹肉羊羹。齋食呢個都覺得好高質了。🦪生蠔有柚子啫哩、辣椒蘿蔔蓉、蔥花、昆布漬、雞尾酒汁味。都大隻飽滿。我就鍾意柚子啫喱同辣味蘿蔔蓉，呢兩款有味蕾上的衝擊♥🦪焗蠔多款選擇，任君選擇：有清酒、蒜味、辣蒜、麻辣、芝士、同冬陰功。冬陰功、麻辣酸酸甜甜辣辣好過癮。🍢串燒點左雞腎、雞軟骨、秋葵、餃子、大蔥車厘茄串、枝豆、味醂魚乾和風沙律。推薦餃子同味醂魚乾，餃子香脆多汁，味醂魚乾有咬口。🍚牡蠣茶漬飯湯底勁鮮甜，配搭一流。🎂柚子芝士蛋糕芝士夠滑，配上柚子的清香中和，別有一番風味。