老虎堂黑糖專売 (已搬遷) 新店位置

台式珍奶系列入面呢款黑糖波霸厚鮮奶可以為表表姐，小妹特別鍾愛黑糖系列，不過唔係間間都可以做到令我有一試再試既衝動，有d會煮到珍珠過晒龍，珍珠變到一舊舊，甜味變成苦澀，口感異常難受嘔心！路過等網購交收見到屯門開左老虎糖就入去買黎試試，睇下有無係台灣飲既咁正，可能時間比較早，排隊人龍尚可接受，杯奶一到手，當然第一時間先審視下以黑糖構圖成虎紋而命名既外觀，是否名符其實，果然紋理隨著冰塊擺動出不同形態，一個字「妙」！攞上手就知道珍珠係新鮮煮，因為仲係暖既！然後搖幾下再插入飲管，大大啖啜一口，剛剛好既焦糖味混合鮮奶，加埋Q彈珍珠，簡直係絕配！其實都無咩可以批評，唯一要評既係…如果可以大杯d就好喇(伸利：太好味我一口氣就飲完！感覺好似太細杯😋😋）