影片
更多
2015-10-29
510 瀏覽
究竟愛麗絲夢遊仙境同晚餐有咩關係？呢間餐廳個名係愛麗絲夢遊仙境,今晚走去睇吓有幾仙境先!餐廳都算近地鐵站嘅,但係因為唔係地舖嘅關係,都要搵一搵.一入到去唔係仙境?係萬聖節!!成間餐廳都係萬聖節嘅佈置,好有萬聖節嘅氣氛!Set dinner 係萬聖節套餐,但今日好想食意粉,餐廳嘅意粉仲要係手造意粉,所以就叫左個鵝肝牛肝菌手工蛋麵試下,另外要咗個烤雞凱撒沙律.沙律比我預期中既分量大,烤雞煎得好香口,但又唔會乾爭爭咁樣唯一嘅缺點就係沙律汁同d菜撈得唔係好匀,整體黎講都好好!鵝肝牛肝菌手工蛋麵,原件鵝肝係蛋麵上面,牛肝菌分量都唔少,成個意粉充斥住牛肝菌味,加埋鵝肝,簡直無得輸!侍應之後向我哋介紹甜品,我揀咗香蕉朱古力撻.以為只係一件撻點知上到台原來係一個四吋圓形嘅撻,份量係出呼我意料之外既多!呢個撻就係今晚嘅亮點!甜忌廉下面就係香蕉係密麻麻嘅香蕉同舖滿咗個撻,香蕉下面係朱古力醬,個撻底非常非常之鬆脆,真係好食到不得之了!我相信呢間餐廳嘅甜品應該其他都會做得好出色,所以下次我諗我會為咗甜品而黎再食過!
餐廳都算近地鐵站嘅,但係因為唔係地舖嘅關係,都要搵一搵.
一入到去唔係仙境?係萬聖節!!成間餐廳都係萬聖節嘅佈置,好有萬聖節嘅氣氛!
Set dinner 係萬聖節套餐,但今日好想食意粉,餐廳嘅意粉仲要係手造意粉,所以就叫左個鵝肝牛肝菌手工蛋麵試下,另外要咗個烤雞凱撒沙律.
沙律比我預期中既分量大,烤雞煎得好香口,但又唔會乾爭爭咁樣唯一嘅缺點就係沙律汁同d菜撈得唔係好匀,整體黎講都好好!
鵝肝牛肝菌手工蛋麵,原件鵝肝係蛋麵上面,牛肝菌分量都唔少,成個意粉充斥住牛肝菌味,加埋鵝肝,簡直無得輸!
侍應之後向我哋介紹甜品,我揀咗香蕉朱古力撻.以為只係一件撻點知上到台原來係一個四吋圓形嘅撻,份量係出呼我意料之外既多!呢個撻就係今晚嘅亮點!甜忌廉下面就係香蕉係密麻麻嘅香蕉同舖滿咗個撻,香蕉下面係朱古力醬,個撻底非常非常之鬆脆,真係好食到不得之了!
我相信呢間餐廳嘅甜品應該其他都會做得好出色,所以下次我諗我會為咗甜品而黎再食過!
題外話/補充資料：
侍應服務非常周到,每道菜之間都會換過新嘅碟.
(以上食評乃用戶個人意見 , 並不代表OpenRice之觀點。)
張貼
