Beer & Fish (已結業)

一向都好食炸嘢，偶然去開SOHO，發現開咗一間名叫 “Beer & Fish” 嘅新店，決定試吓。店舖雖然細細，但裝修型格。我order咗一客Fish & Chips、炸蠔、炸魚皮、一杯生啤。炸魚塊脆皮好香脆！係我食過數一數二好味嘅！魚肉一D都唔腥，絕對唔係坊間D廉價龍利柳，一問之下原來係用原條鮮魚起肉！就連薯條都係自家製！真係好難得！炸蠔塊脆皮比較深黑，初頭以為炸燶咗，但原來別有來頭。店主採用咗高成本的黑啤作為炸漿，從而令到塊炸魚脆而不油，佩服！最後不得不提就係自家釀製嘅生啤，味道不比某些著名品牌遜色！總括而言，各款食物都具有一定水準，下次一定會再光顧。