影片
更多
2014-01-01
17 瀏覽
冬天來了，有啲咩野係必做架呢？當然係要打邊爐取暖啦！近年興起既雞煲加打邊爐熱潮到而家仍然未消退，反而到冬天有愈來愈擴張既跡象。尤記得有一次喺北角覓食，見到有成4、5間雞煲喺同一條街！可想而知，有市場有需求下，自然有更多人開設雞煲店。雞煲開到成行成市，點先可以突圍而出呢？有幸來到位於深水埗既『大哥雞煲』試食，多謝有關方面既邀請同安排。店內既座位大約有40個左右，容納不了太多客人。當晚來到試食，首先奉上既係花旗蔘桂圓茶同菊花石斛桂圓茶。前者花旗蔘味幾濃亦幾滋潤，後者菊花味亦夠清香。大哥雞煲既總廚其實已經有超過25年經驗，亦曾於國內經營外省菜餐廳，經驗確係幾豐富。Menu呢張MENU 大家就可以清楚睇到店內唔同食物既價錢，可有更深刻了解。當晚店方試食既煲係由淡至濃，呢個安排幾好，因為唔會令到淡味既煲被濃味蓋過。花膠濃湯雞煲翅 (例$ 228, 份$298)湯底呈現奶白色，但其實湯底味道好濃，因為呢個花膠濃湯雞煲翅選用左上等老雞、金華火腿同上肉等熬制左六個鐘，再配上黃膠筒、元貝、鮑片菇同魚翅等上等材料烹調，難怪咁濃咁新鮮同咁滋潤啦！雞煲咁耐之後仍然幾滑，鮑片菇幾爽口，花膠就幾腍。我相信如果認為
雞煲開到成行成市，點先可以突圍而出呢？有幸來到位於深水埗既『大哥雞煲』試食，多謝有關方面既邀請同安排。店內既座位大約有40個左右，容納不了太多客人。當晚來到試食，首先奉上既係花旗蔘桂圓茶同菊花石斛桂圓茶。前者花旗蔘味幾濃亦幾滋潤，後者菊花味亦夠清香。大哥雞煲既總廚其實已經有超過25年經驗，亦曾於國內經營外省菜餐廳，經驗確係幾豐富。
Menu
呢張MENU 大家就可以清楚睇到店內唔同食物既價錢，可有更深刻了解。當晚店方試食既煲係由淡至濃，呢個安排幾好，因為唔會令到淡味既煲被濃味蓋過。
花膠濃湯雞煲翅 (例$ 228, 份$298)
湯底呈現奶白色，但其實湯底味道好濃，因為呢個花膠濃湯雞煲翅選用左上等老雞、金華火腿同上肉等熬制左六個鐘，再配上黃膠筒、元貝、鮑片菇同魚翅等上等材料烹調，難怪咁濃咁新鮮同咁滋潤啦！雞煲咁耐之後仍然幾滑，鮑片菇幾爽口，花膠就幾腍。我相信如果認為雞煲肥而唔鍾意食雞煲既女士們應該會喜歡呢個花膠濃湯雞煲翅。 不過平時既我已經唔會叫翅食，因為唔想鯊魚繼續被濫殺。但呢個雞煲翅如果無左翅仍然會係咁好飲！因為翅係無味架嘛！胡椒豬肚包雞鍋 ($208)
平日daddy同mami 叫胡椒豬肚我都唔會點食，不過當晚點都要試下既~ 其實胡椒豬肚包住隻雞喺香港確係罕見，師傅剪開豬肚就見到切件左既雞喺入面，豬肚味道新鮮，唔用雪藏貨好處係唔會令到啲湯底都變左有浸雪氣味。雞問過店方話係用三黃雞，幾嫩滑。湯都係奶白色，味道濃郁而且有胡椒情況下令到湯底會有少少辣。不過整體呢個鍋係好飲，配搭得好而且湯底濃。奇味招牌雞煲 (半隻$118, 全隻$188)
呢間雞煲既雞選用精選著名土雞: 三黃雞(毛黃、爪黃、咀黃)，特意選用重量約2斤 - 2斤4両，咁就可以確保肉質嫩滑同埋皮脆香口。食落去時發現幾香，原來雞煲內既香料係特別喺重慶挑選入貨，然後再配合師傅自家秘制醬料，所以呢個雞煲係有種獨特既巴蜀風味。雞已經變成啡色，幾滑，唔chewy，而且幾入味。如果大家想食麻辣既雞煲就要事先向店方說明呢！川味燒魚鍋 （半條$128, 全條$228)
呢條魚用上新鮮河鮮，店方話呢條係鱸魚，食落去肉質嫩滑。一開始我驚會有啲腥，但食過之後就發現我既擔心係多餘，因為呢條魚其實唔腥。咁大盤既魚用上唔少既配料，例如有新鮮花椒、野菌同四川醃製酸菜等。味道方面其實可以話酸菜變成左個主角，酸同辣既味道都由酸菜帶起，增加味蕾既感應度。我覺得呢條魚做得唔錯，嫩滑得嚟有咬口，亦帶有鮮味。
左上:青瓜 右上:什菌墨魚丸($68/8粒) 左下:魚滑($58) 右下:杞子白菜花膠餃($58)
青瓜味少少酸少少spicy啦什菌墨魚丸用上姬松茸、牛肝菌同茶樹菇等貴價既材料去做，菌香豐富，墨魚丸幾爽口彈牙，幾好食！
魚滑幾新鮮幾彈牙，唔錯
杞子白菜花膠餃餃皮幾薄，但花膠質感可能易融而試唔到。
另外有一款灼腐皮，係同區著名腐竹店，供應比唔少五星酒店既樹記既出品，難怪幾軟熟，重豆香，好食！
鹿兒島黑豚腩肉($98)
肉味尚算濃，唔會太肥，肥瘦均勻，唔錯。手切本地肥牛($268)
就咁睇都見到脂肪均勻，而且切得薄，可見師傅刀功。肉味未算好濃但係幾juicy，有入口即融既感覺。唔錯！整體嚟講，呢間新食店唔錯，質素屬中上，而且用料比一般雞煲火鍋店更講究，會入一啲貴價材料務求做好食物質素留住客人。有咁既心態既食店愈嚟愈少，希望呢間食店既呢種心態可以繼續維持落去啦！
張貼
