漁一海鮮火鍋料理 (已搬遷) 新店位置

人情味超濃既火鍋店！未食過一間好似漁一咁有氣氛既火鍋店！d食材好新鮮，又大大碟，好抵食。四寶丸自家製夠曬彈牙！黑豚豬片唔好太肥，肉質豐富！脆鯇片唔多骨又夠新鮮！最正係有好多湯底揀，個椰子海鮮湯底有蜆有蟹，個湯甜到不得了，索曬海鮮d精華，所以一定要陸野之前飲返幾碗湯！所有食材真心真材實料！另外座位舒服，職員好友善，老板逐枱同客人傾計，好熱情！今日去仲有live band, 全場一齊唱歌，食得真係好開心！