心語甜品 (已結業)

食完晚餐緊係要食埋甜品先叫完美🤪係東大街行左一陣，見到呢間小店既甜品都幾多選擇，不過環境比較細同窄，都等左一陣先有位.意大利心太軟配軟雪糕 $62 8/10上菜時間有點耐，可能樓面同廚房加埋得2個人，除左我地之外，其他檯都有出現漏單既情況，我地都追問左店員幾次，先送上以下甜品.一切開心太軟，真係好似熔岩咁流出黎🤤外皮比較薄同埋幾脆，朱古力味唔會好甜，所以食多幾啖都唔覺好膩，藍色雪糕其實係海鹽味雪糕，顏色幾靚🥰鹹鹹甜甜又唔會好奇怪，同心太軟都幾夾