大同私房菜會所

營業中

休息中

呢日約咗屋企人去食私房菜，我哋都好鍾意食中菜，呢間私房菜係粵菜頂級品牌大同酒家後人所創辦，可以品嘗到傳統既粵菜。今次我哋點嘅菜式都好吸引。首先係法式焗蟹蓋，蟹蓋入面有滿滿既蟹肉同蟹膏，勁吸引。下一道菜係燕窩鷓鴣粥，呢道菜高級又養生，對氣管好好。自泡味菜炒豬肚好惹味，爽脆嘅豬肚同酸菜配搭得好好。廣州荔灣豉椒炒蟹都好正，炒蟹大大隻，入面有好多鮮甜既蟹肉。腿茸奶油津白上面既奶油又香又滑，配埋煮到軟腍既津白，正。蜜汁火方係方包夾住火腿同埋菠蘿，層次豐富，菠蘿嘅酸甜可以中和返火腿嘅鹹香，好夾。咖喱牛腩撈飯一流。壓軸登場嘅係呢個蟹油撈麵，勁邪惡。最後，甜品係二十年陳皮紅豆沙，紅豆沙煮到好綿密，甜度啱啱好。